陈小春 《臭草》

陈小春《臭草》歌词 屯门阿飞老豆一早俾人做低咗 举目无亲屋企得番个盲眼阿婆 读书唔多十靓岁辍学做厨房 终极愿望自己开间大排档 娶个靓老婆 但系厨房佬身水又身汗 边有做大佬咁过瘾 咁风光 反正都系揸老牛 分别系切鸡定劈友 终于有日 拣左第二愿望 转咗行 I'll fly away 我话过我唔会一世俾人睇死 想翻身演一出好戏 脚踏实地拉利几时先揸得起 I'll fly away 尽地一铺反正条烂命值钱唔过三毫四 始终一天可找到转机 小倩系大陆黎到香港呢个拜金乐园 出身兰州体操团而家变左卖肉求存 凌空一字马日练又夜练 今时今日总算有用武之处 佢拣咗旺角大床 黎代替奥运弹床 狭窄既楼梯无数次上上落落 上上落落 再上上落落 几时至可以衣锦还乡 I'll fly away 有人话职业系无分贵贱 想翻身演一出好戏 但点解剩得我俾人指指点点 I'll fly away 唔系D男人要发泄边有我做得咁 cheap 始终一天可找到转机 有日阿飞搭上兰州小倩 同病相怜从此打得火热彻夜 缠绵 小倩小倩爱上不良少年 唔收佢钱不特止兼送埋个BB 阿飞誓神劈愿 照顾两母子 决定搵多意一次快钱从此洗心革面 但系佢估唔到BB未见就俾人 搞掂 未婚妈妈终于生咗BB 举目无亲确又真系生不逢时 心大心细应该捱生捱死揍大阿B 定系一走了之制造多一个孤儿 望见苏哈佢鼻涕连连 同个死鬼老豆实在有几分相似 血肉相连终于抱走BB 理得横风横雨山崩地裂战火连天 但如果有阿妈抱住 苏哈都会笑 苏哈开始学行路一步两步三步 爬起身又跌倒 人生仲有好既路 你条命生命生得唔好 老豆正一短命种 但你有日终会成功 因为你有个失败之母 金银满屋当然系好 咪搅搅震我都好满足 只要咪行我呢条路 臭瓮唔系一定出臭草 你唔系臭草 千祈唔好 臭瓮唔系一定出臭草 你唔系臭草 千祈唔好 千祈唔好 千祈唔好 I'll fly away 有人话命运系无得选择 想翻身演一出好戏 定抑或条路由自己去拣 I'll fly away 又或者做牛做马 做兵做贼都系咁鬼艰难 始终一天可找到转机 I'll fly away